Lagu Minang - Sakik Patah Bacinto

Sakik Patah Bacinto


PADIAH INDAK TATAHANKAN, LUKO NAN UDA GURIAHKAN
DURI KA JANTUANG MANIKAM
SUREK CINTO DEN KIRIMKAN, UDA BALEH JO UNDANGAN
NYAWO NDAK RASO DI BADAN

SUNGGUAH INDAK DEN MANYANGKO, UDA URANG NAN DEN CINTO
KINI MAMBUEK LUKO
TIADO ARTI JANJI-JANJI, UDA SURANG MAINGKARI, SAKIK DI HATI

ANGIN MALAM BAOKLAH DIRIKO TABANG, HILANGKANLAH DIHATI TANGISAN MALANG
SAKIKNYO PATAH BACINTO PADIAH LUKO, MANYESO DALAM DADO (2X)

dari siko ambo ambiak kan..

caliak di sumber aslinyo

.. batuajuang@gmail.com ..

Lirik lagu Mantap

Badayuang ka pulau cinto
Balabuah di pantai mimpi
dilua den galak juo
didalam hati manangih

dari siko ambo caliak mah mak oi

saran dan kesan dunsanak kami nantikan

.. batuajuang@gmail.com ..

Pasan Untuak Rang Mudo

Hidup manusia tak dapat ditakar , sebab itu kuasa Ilahi.

Dalam hidup banyak hal akan dihadapi,maka pasan rang tuo-tuo kito berikut ini patut kita jadikan sebuah pegangan dalam menjalani hidup.

Rang mudo, Nan Capek Kaki Ringan Tangan, Capek Kaki Indak Panaruang, Ringan Tangan IndakPamacah, Alun Disuruah Nyo Lah Pai, Alun Diimbau Nyo Lah Tibo, Tibo Tampak Muko Nan Janiah, Pai Taraso Hati Nan Suci

“manusia tahan kieh, binatang tahan lacuik, kilek baliung alah ka kaki, kilek kaco alah kamuko, tagisia labiah bak kanai, tasinggung labiah bak jadi”

Basilek diujung lidah
Malangkah dipangka karih
Bamain diujuang padang
Tahu dikieh kato putuih
Tahu digelek kato abih
Tahu diereang jo gendeang
Sarato kurenah jo baenah
Tahu dirunciang ka mancucuak
Tahu dirantiang kamalantiang
Tahu didahan kamahimpok
Tahu digantiang nan kaputuih
Tahu dicondong kamahimpik
Tahu dibiang nan katabuak
Tahu diunah kamahambek
Tahu dibayang kato sampai

Bulek kato dek mufakaik

Bulek aia dek pambuluah

Alua jo patuik tagak ditangah

Bana nan satu panyudahan

Sapuluah kelek ditampuah

Sabaleh lauik jo buiah

Namun bana hanyo sabuah

Pesong babuih puputan kaliang

Sabuah ujuid jo mukasuik

Dilengong ka suok jo ka kida

Dipakai baso jo basi

Dalam raso jo pareso

Jalan mandata ingek tataruang

Jalan manurun ta antak-antak

Jalan mandaki sasak angok

jalan malereang kok tagalincia

Ingek-ingek jago-jago

Kana diri kanalah badan

Tanduak bacapang kaki nan haluih

Karuik maruik samak sameto

Ingek juo sabalun kanai

Kulimek sabalun habih

Dalam hiduik di dunia ko

Banyak sansaro nan katumbuah

Ingek tasumbek jo tasanduang

Arih jo bijak ka dipakai

Ulemu dalam paham bakunci

Bapakai ukua jo jangko

Salamat badan kasubarang

Ukia nan turun dari Tampuang tangkai

Pariangan Lapan Koto nan Ampek Koto

Diateh nan Ampek Koto Dibawah

Pasangan di dakek pintu katurun

Palapeh dagang kabajalan

Panco ringek di tapi jalan

Mati-mati mako babuah

Ingek-ingek anak bajalan

Lauik sati rantau batuah

Semoga saketek dari ambo ko ado baiaknyo, salah jo khilaf tolong maafkan. Ampun jo rila ambo pintokan.

. . . batuajuang@gmail.com . . .

Falasafah Curito Alam Takambang Jadi Guru

Malam baganti malam lah kito lalui, kini kito basuo baliak.
bukan di rumah di Kadai Kopi atau di Lapau Katan.
kito basobok disiko di muko kaco dima disiko banyak nan ka dibaco.

Panakiak pisau sirauik
Ambiak galah batang lintabuang
Salodang ambiak ka nyiru
Nan satitiek jadikan lauik
Nan sakapa jadikan gunuang

Alam takambang jadi guru, disiko ingin ambho berbagi kisah tentang urang Vietnam nan lah sukuses memahami pantun nangko meski inyo dak tau atau bahkan sama sekali alun ernah mandanga falsafah hidup urang awak iko. Setelah parang Vietnam banyak mendapat bantuan dari luar negeri dan mereka berhasil membangun negerinya.

Bantuan itu memang bepengaruh, tapi kalu hanya bantuan itu, apa hubungannya dengan falsafah hidup rang awak iko ?? hubungan itu yolah tentang urang-urang tu nan sadio bapikia sacar bana, batindak sacaro tapek, ibaraik datuak mancaliak ikan didalam aia alun takilek alah takalam, jaleh jantan jo batinonyo.

Dengan yakin dan (pe-de)2 sajo ambho cubo pahami dari berbagai sumber, nan dimakasuik dek kalimat itu iyolah hiduik bukan untuk habis di hari kini, tapi hiduik hari kini permulaan hari bisuak. Hari kini jiko ado labiah nan kito daek bukan untuk dihabiskan berfoya-foya melainkan dimaksimalkan menjadi suatu yang lebih berharga dan berarti dan pado akhirnyo (versi ambo) bukan untuak dikorupsi

wassalam, semoga ado nan bermanfaat..

. . . batuajuang@gmail.com . . .

Pambukak Kato

Assalamulalaikum Waramatullah Wabarakatuh.
Puji Syukur Kehadirat AlLah Tuhan Nan Maha Kusao, Maha Sagalonyo.
Saririang daripado itu Shalawat dan salam pado Nabi junjuangan kito, Nabi Muhammad shalalLahhu alaihi wa sallam.
sanak sadonyo, doa ambo semoga sanak sadonyo dalam keadaan sehaik wal afiat dan hiduik dalam kecukupan dan penuh raso syukur.. Aminn..

Sajalan Jo Judul Laman nan Ambo cubo buek nangko disiko ambo tuliskan lengkapnyo bait petatah petitih rang tuo-tuo kito nan semoga dapek menjadi pertimbangan kito dalam malangkah baiak surang atau jo kawan sarato karib nan jo kerabat.

Puncaringek di tapi aia,

Babungo mangko babuah.

Ingek-ingek Tuan balaia,

Lauik sati Rantau batuah.


. . . batuajuang@gmail.com . . .